RIBEIRA> A Plataforma en Defensa da Sanidade Pública do Barbanza valora positivamente, aínda que con cautela, a xuntanza mantida cos responsables da área sanitaria. Son varias as especialidades nas que xa se están a tomar medidas, como a incorporación de medios técnicos e humanos, para reducir as listas de espera.
O xerente da área sanitaria e o director do hospital do Barbanza achegaron posturas cos representantes da Plataforma pola Sanidade Pública na xuntanza mantida a finais da pasada semana. Coincidentes nas especialidades que presentan maiores problemas analizaron algunhas das medidas xa en marcha para diminuír as listas de espera.
Fronte a estes servizos nas que xa se están a adoptar medidas, a plataforma pon o foco noutras consultas como rehabilitación infantil, cirurxía, ou endocrinoloxía, con malas expectativas a medio prazo.
Tralo inicio das conversas que supuxo esta primeira xuntanza quedaron emprazados a unha próxima reunión dentro de seis meses para valorar a evolución das listas de espera e analizar o impacto das medidas adoptadas.
