Os acordos marcan a primeira xornada do xuízo pola Operación Cormorán

    cormoran copia100.jpgPONTEVEDRA> O Fiscal acordou con 23 dos 32 acusados penas de 6 meses de prisión e multas de entre 40.000 e 1.000.000 de euros.

    {flowplayer}images/salnes/EMPEZA_XUIZO_CORMORAN.flv{/flowplayer}

    Esta primeira xornada rematou con acordos de conformidade entre 23 dos 32 acusados e a Fiscalía. Todos eles declaráronse culpables dun delito de branqueo por imprudencia, que supón penas de 6 meses de prisión e multas de entre 24 mil e un millón trinta e un mil euros, en función do patrimonio incautado.

    Nas vindeiras sesións, serán nove persoas as que senten no banco, acusadas por un delito doloso de branqueo de capitais procedentes do narcotráfico. Entre eles non estarán os dous supostos cabecillas da trama: José Antonio Pouso Rivas, alias Pelopincho, e o avogado pontevedrés Manuel Franco Argibay, sobre os que pesan ordes de busca e captura a nivel internacional. Tampouco estará a nai de Pelopincho, falecida hai uns anos. Isto deixa ás mulleres de Pouso e Franco, Teresa de Jesús e Natividad Laborde, e á súa suposta man dereita, Benito Suárez, como os acusados de máis relevancia.

    Para eles, o fiscal solicita entre catro e seis anos de prisión pola súa suposta participación nesta rede de branqueo, cuxa desarticulación no 2004 permitiu o embargo de bens que roldan os 15 millóns de euros. O xuízo reanudarase o vindeiro día 28 na Audiencia Provincial de Pontevedra.

    Redacción Salnés