POIO> En canto ás competencias, o PSOE deixa Persoal, Benestar Social e Servizos. Mantéñense as dúas dedicacións exclusivas.
{flowplayer}images/salnes/PACTO_GOBERNO_BNG_PSOE_POIO.flv{/flowplayer}
Aínda que durante a campaña a líder dos socialistas, Chelo Besada, sostivo que a súa formación non contemplaba renovalo bipartito co BNG, as tornas mudaron. Hoxe ambos partidos asinaron un pacto de goberno para a presente lexislatura. Segundo os dous líderes, este acordo responde á intención de formar un goberno estable.
En canto ás competencias pouco mudan con respecto á pasada lexislatura. Os socialistas deixan a área de Persoal, Benestar Social e Servizos. Ocuparanse a partires de agora de Vías e Obras, Pesca, Marisqueo, Medio Ambiente, Xuventude e desenvolvemento local.
Ó mesmo tempo, o bipartito non modificará a estrutura organizativa das dedicacións exclusivas que recaen na alcaldía e na primeira tenencia, ostentada pola edil socialista. En canto ós obxectivos comúns segue primando a redacción dun novo PXOM.
Redacción Salnés
