SANTIAGO> Durará ata o 19 de novembro, e nestas sete semanas dispensaranse 610.000 doses en 900 centros de vacinación.
{flowplayer}images/salnes/VACINAS_GRIPE_2011_280911.flv{/flowplayer}
Desde o vindeiro luns e ata o 19 de novembro, todas aquelas persoas maiores de 60 anos e as que se atopen dentro dos grupos de risco poderán comezar a solicitar cita para recibir a vacina fronte a gripe estacional e a enfermidade pneumocócica. A consellería de Sanidade ten preparadas 610 mil doses para administrar durante as sete semanas que durará a campaña. Entre as novidades deste ano salienta a implantación dun rexistro de vacinación vía informática para procesar os datos dos pacientes e xestionar pedidos de vacinas.
Maiores de 60 anos, pacientes con doenzas crónicas, inmunodeficiencias, obesidade mórbida, embarazadas e persoas que desenvolven traballos para a comunidade como policías ou bombeiros. Son os colectivos diana da campaña. Eles, xunto cos traballadores dos centros sanitarios.
Entre os maiores de 75 anos volverá a distribuírse a vacina adxuvada, con maior poder de protección. As doses dispensaranse en preto de 900 centros de toda Galicia, entre ambulatorios, hospitais públicos e privados, residencias e centros para a terceira idade, unidades asistenciais de drogodependencias, centros penitenciarios e de atención a discapacitados.
Redacción Salnés
