‘O que pretendemos é garantila viabilidade do sistema’

    garderiascopy.jpgPONTEVEDRA> Así xustificou o xerente do Consorcio Galego de Servizos de Igualdade e Benestar a suba do 19% nos prezos das garderías públicas.

    {flowplayer}images/salnes/SUBA_PREZOS_GARDERIA.flv{/flowplayer}

    Un sistema máis progresivo, xusto e solidario. Isto é o que pretende a Xunta de Galicia coa suba do 19% nos prezos das garderías públicas para o vindeiro curso escolar. Cando menos así o explicou esta mañá o xerente do Consorcio Galego de Servizos de Igualdade e Benestar, Roberto Rodríguez.

    O incremento nos prezos das prazas públicas de gardería dun 19% de media foi aprobado no Consello da Xunta do pasado 19 de xaneiro e entrará en vigor o vindeiro curso. Segundo explicou esta mañá o Xerente do Consorcio, o que se pretende con esta medida é garantir a viabilidade do sistema facéndoo máis progresivo, xusto é solidario.

    E engadiu que Galicia segue a ser a comunidade autónoma cos prezos máis económicos. En canto á privatización das escolas infantís, Roberto Rodríguez quixo mandar unha mensaxe de tranquilidade. Matizou que aínda que a xestión se privatice as garderías seguirán sendo públicas. O que si vai permitir, dixo, é que se incremente o número de prazas.

    Con todo, na rúa non entenden coma o goberno autonómico pode aprobar a suba do 19% no prezo das prazas de gardería, aínda que só afecte ás rendas máis altas.

    O xerente do Consorcio Galego de Servizos de Igualdade e Benestar fixo estas declaracións ó termo da reunión da comisión de seguimento do convenio da escola infantil de Monte Porreiro que finalmente abrirá as súas portas en marzo.

    Redacción Salnés