VILAGARCIA> Braulio Vázquez e Juan Carlos Santorum non saían do seu asombro ó ver as súas fotos e nomes nos periódicos e ó seren buscados…
{flowplayer}images/salnes/rectificacion_ratonero.flv{/flowplayer}
… pola policía portuguesa. A situación deixounos descolocados ó non contaren con vinculación algunha ó Ratonero e a súa tripulación. Aseguran que non viaxaron a Portugal nos últimos días e que teñen testemuñas dabondo que dan conta da súa presencia en Vilanova nos últimos días. Piden que se arranxe este entorto canto antes para que os seus deixen de ser sinalados pola rúa.
A avogada que leva o seu caso Carmen Ventoso asegura que xa se persoaron no Xulgado número 3 de Vigo, que instrúe o caso onde lles aseguraron verbalmente que eles non estaban involucrados nesta operación Marine. Traballa pois para que esta mancha non interfira na honorabilidade destas persoas, ata que se demostre o contrario.
O propio Subdelegado do Goberno en Pontevedra, Antonio Coello asegurou que as persoas que buscan seguen aínda en Madeira e están sendo buscados polas forzas do orde. Descarta por tanto que estes dous vilanoveses teñan conta algunha ca xustiza.
Nada se sabe do terceiro presunto implicado Francisco Fernández. Estes dous vilanoveses aseguran non coñecelo nin ter contacto algún con el.
Redacción Salnés
