VILAGARCIA > Os membros do equipo de goberno vilagarcián, Rosa Abuín, Victoria Hierro e José Membrives deron as explicacións correspondentes…
…ante a petición de onte, por parte de EU da súa dimisión. Os tres teñen claro que non dimitirán, están de acordo nas súas reflexións e fixéronas públicas esta mañá.
Rosa Abuín, Victoria Hierro e José Membrives fixeron un breve, pero rotundo repaso do seu apoio á traballadora despedida da piscina, felicitárona pola sentencia ó seu favor e tiveron claro, non só que non dimitirán, senón porqué non o van facer.
José Membivres tachou a EU de practicar o piterpanismo político.
Victoria Hierro asegurou que non permitirán que en política vilagarciana, vala todo.
E pola súa parte, Rosa Abuín, declarou que marchou do pleno en solidariedade coa traballadora despedida e por non votar unha ilegalidade, e que cada un bote as contas, e darase conta de porqué Juan Fajardo pide a dimisión de precisamente tres concelleiros.
Os tres insistiron en que esta é a primeira e a última vez que comparecen ante presións por parte de Juan Fajardo para tratar de sindicalizar o goberno municipal.
Pregúntanse onde estaba Fajardo cando fixeron a folga os traballadores de comisións obreiras e porqué non pediu a dimisión de alguén cando declararon nulo o despido dun bombeiro fai pouco.
Redacción Salnés.
