MEIS> A pesares de que choiva fixo a súa aparición, non impediu que veciños da comarca e arredores se achegasen ata a romaría.
{flowplayer}images/salnes/BOLO_PARADELA_160412.flv{/flowplayer}
Pasadas as doce e media do mediodía facía a súa entrada no campo das festas de A Boca, en Paradela, Meis, o xigante bolo de Pascua que como cada ano se ofrece a San Gregorio nas festas organizadas na súa honra.
Miles de persoas da comarca e arredores non quixeron perder esta tradicional cita a pesares de que en varias ocasións a choiva fixo a súa aparición. Uns para pedirlle ó santo, outros para pasar un día de festa.
Trala misa campestre e a procesión, todos aqueles que o desexaron puideron degustalo bolo feito cuns seis mil ovos, acompañado cunha ración de churrasco e este ano, coma novidade, xunto a viño albariño. Todo por tres euros. E segundo os que optaron por quedarse a comer neste campo das festas, a calidade/prezo quedou demostrada.
Finalmente, balance positivo. Grazas, en parte, ó traballo feito polas persoas que colaboraron desinteresadamente na organización da festa.
A romaría estivo complementada cunha exposición organizada polas Mulleres Rurais de Paradela que acolleu o centro social Manuel Pesqueira.
Redacción Salnés