RIBADUMIA> Segundo a alcaldesa, Salomé Peña, estes achados dan conta da excepcionalidade deste lugar e da súa historia.
{flowplayer}images/salnes/VISITA_MONTE_CASTRO_230712.flv{/flowplayer}
Novos materias que datan do século dous antes de cristo, a porta de acceso ó castro e mesmo millo e trigo fosilizado. Estes son algúns dos últimos achados descubertos no xacemento de Monte do Castro, situado en Ribadumia. Pero o máis importante son, sen dúbida, unhas estruturas de pallabarro, únicas no Noroeste Peninsular, segundo o arqueólogo responsable da escavación, nas que están traballando agora na terceira fase do proxecto.
Uns achados que non dan conta máis que da excepcionalidade deste lugar e da súa historia, segundo resaltou a alcaldesa de Ribadumia, Salomé Peña, durante a visita ó xacemento xunto ó Presidente da Deputación e o Director Xeral de Patrimonio.
E en palabras de Rafael Louzán, este lugar vaise converter nun dos referentes en Galicia para coñecela súa historia castrexa. E para que os veciños o poidan apreciar de primeira man, o dirixente anunciou que á entrada do xacemento van instalar dúas reproducións exactas dos castros que alí se atopan.
Ademais, para todo aquel que estea interesado, saiban que a partir deste venres van comezalas visitas guiadas ós xacementos en horario de once e media da mañá. Poderán atopar máis información nas diferentes oficinas de turismo.
Redacción Salnés
