O PSOE leva a Louzán ós xulgados por ocultar expedientes de obras

PONTEVEDRA>: O PSOE leva a Rafael Louzán ós xulgados. Así o fixo saber hoxe o voceiro dos socialistas na Deputación de Pontevedra, Santos Héctor Rodríguez. Veñen de presentar por vía contencioso administrativa unha reclamación para poder ter acceso ós expedientes de varias obras financiadas polo ente provincial e que tiveron un sobrecoste con respecto ó prezo de licitación. Tamén se presentou outro recurso para ter acceso ás partidas destinadas a asumir os gastos da Volta Ciclista a España. Santos Héctor compareceu en rolda de prensa para explicar que despois de varias peticións e meses de agarda non puideron examinar os expedientes de diferentes obras financiadas pola Deputación de Pontevedra. Os socialistas explican que como partido na oposición teñen dereito a coñecer estes documentos. Consideran que hai certo oscurantismo e falta de transparencia dende o presidencia provincial sobre todo con dous proxectos: o das Pousadas, que tiña un presuposto inicial de 9,4 millóns de euros e superará os 16 e o de Pasarón que pasou dos 8,5 millóns inicias ós 15,8. Este recurso xa foi presentado e agora a Deputación ten cinco días para entregar a documentación pertinente. O outro dos recursos ten que ver coa Volta Ciclista a España e co convenio asinado cos concellos que foron lugar de saída ou meta dalgunha etapa. Santos Héctor tamén criticou a Rafael Louzán polas súas verbas no Forum Europa, celebrado en Santiago, nas que puxo en dúbida a eficacia de contar en Galicia con tres universidades e outros tantos aeroportos. {flowplayer img=https://www.canalriasbaixas.com/images/ano2013/11novembro/05/psoe600_051113.jpg}https://www.canalriasbaixas.com/images/ano2013/11novembro/05/psoe_051113.mp4{/flowplayer}