LOUSAME> O torneo, organizado polo Club Lousame Deporte, terá lugar o próximo 1 de maio. Por sexto ano consecutivo o concello de Lousame volve a organizar o seu torneo de futbol 8 para as categorías benxamín e alevín. A cita reunirá a 22 equipos, ou o que é o mesmo uns cincocentos rapaces pertencentes a clubs chegados dende diferentes comarcas. O torneo, que se desenvolverá no campo de fútbol de Cabanetán en Lesende, pretende ser tamén unha xornada de festa con outros tipos de actividades. Dende a organización agradeceron tamén a colaboración das distintas empresas e casas comerciais que fan posible que o torneo poida desenvolverse.
