Silva denuncia o gasto ‘frenético’ de fondos durante o último mes de goberno de Louzán

{flowplayer img=https://www.canalriasbaixas.com/images/ano2015/07xullo/28/situacion_economica_depo.jpg}https://www.canalriasbaixas.com/images/ano2015/07xullo/28/situacion_economica_depo.mp4{/flowplayer}

 

PONTEVEDRA> Na rolda de prensa posterior a este encontro, a presidenta da Deputación explicou a situación das contas da institución provincial. Segundo denunciou, no último mes do seu goberno Rafael Louzán deixou sen recursos os diferentes plans que tiña en marcha o executivo provincial.

Dos seis millóns de euros de libre disposición do Plan Provincial de Obras e Servizos, só quedan 245. Dos 1,5 millóns de libre concorrencia, o anterior goberno deixou todos adxudicados. 

O deste plan é só un exemplo do que, segundo Carmela Silva, atopou o seu equipo ao repasar as contas provincias.

No Plan de Acción Municipal, para actividades culturais, deportivas e sociais, só quedan 45 euros dos 200.000 de libre disposición e case 19.000, xa adxudicados, dos 800.000 destinados á concorrencia. Do millón de euros para asociacións e entidades sen ánimo de lucro do Plan de Acción Comunitaria, restan 65 euros.

Estes investimentos do último mes de goberno tamén foron comentados polo actual vicepresidente. César Mosquera asegura que el non se sorprendeu polo estado das contas.

Mosquera asegurou que o equipo comezará a traballar nos orzamentos para o vindeiro ano, sen que se plantexen adiantar a súa posta en marcha para paliar a falta de fondos.