VILAGARCIA> Zona Franca de Vigo desembarca en Vilagarcía. A institución busca no centro da cidade un inmoble de máis de 1.000 metros cadrados para convertelo nun centro de negocios. Este mércores, o alcalde da cidade e o presidente do Consorcio da Zona Franca asinaron un convenio para a posta en marcha deste servizo de apoio ás empresas e ao emprendemento.
Zona Franca de Vigo quere implantarse no Salnés. A institución estatal busca en Vilagarcía un inmoble para a creación dun centro de negocio. Este mércores o seu presidente e o alcalde de Vilagarcía asinaron un convenio para materializar este proxecto.
A busca redúcese a apenas tres inmobles atendendo ás necesidades do proxecto.
O montante da operación pode roldar os 2 millóns de euros.
O obxectivo deste centro é impulsar proxectos empresariais.
O inmoble contará cun espazo de coworking, zonas de oficina en alugueiro e distintas salas de reunións e multiusos. Zona Franca de Vigo conta xa con centros de negocios como este na propia cidade olívica e en concellos como Baiona, Nigrán ou O Porriño.











