Barbanza - Muros - Noia

Boiro volverá camiñar unido contra o cancro. Este domingo terá lugar unha nova edición da andaina solidaria que organiza a xunta local da AECC no municipio. Constará dun percorrido duns cinco quilómetros polo paseo do río Breiro, a praia de Barraña e o estuario do río Coroño.

Boiro quenta motores para celebrar as súas festas de verán, as máis madrugadoras da comarca. Desenvolveranse entre o 4 e o 9 de xullo e contará coas mellores orquestras de Galicia así como tributos a bandas míticas e gran presenza de folclore e música tradicional.

O concello de Ribeira vén de asinar un protocolo de colaboración co Consello da Cultura Galega. Este convenio busca achegar as distintas actividades... A primeira das actividades enmarcadas nesta colaboración será unha xornada sobre cultura marítima que se desenvolverá o 3 de xullo na capital do Barbanza.

Preto de 200 nenos participaron esta mañá no peche do programa LudiEduca que promoven Cruz Vermella e Jealsa en colaboración con colexios de Boiro e A Pobra. Contaron nesta xornada festiva coa participación do divulgador Rogelio Santos quen abordou a importancia de conservar o medio natural e promover unha economía sostible.

A Pobra será escenario este vindeiro sábado da primeira edición do Torneo Fútbol 11 Ría de Arousa de Fútbol Feminino. A cita, que reunirá no campo municipal de Cadreche a un total de nove equipos de toda Galicia, está organizada de forma conxunta polo Puebla C.F. e o Atlético Arousana.

A confraría de Noia intensifica estes días os traballos nos seus bancos marisqueiros para que estean nas mellores condicións para o inicio da vindeira campaña, a finais do mes de setembro. Nas últimas semanas sementáronse máis de dous millóns de unidades de molusco, a maioría delas de ameixa, procedentes do seu criadeiro do Freixo.

Uns 150 nadadores tomarán parte este domingo na VII Travesía a Nado Illa de Rúa

Varios días despois de producirse o suceso, non hai novidade en relación á autoría das pintadas no Pazo da Mercé. O alcalde, José Carlos Vidal, lamentou os feitos, pois, segundo el, supoñen un atentado contra un ben patrimonial, que aínda que non é municipal, ten un gran valor histórico.

Persoal das empresas que realizan o servizo de limpeza dos hospitais comarcais de Barbanza, Salnés e Cee concentráronse esta mañá ás portas dos seus respectivos centros hospitalarios para reclamar mellores condicións laborais e a equiparación salarial cos traballadores do Sergas. A convocatoria partiu da Confederación Intersindical Galega e foi secundada por máis dun cento de traballadores nos tres hospitais.

Esta mañá presentábase nas instalacións do Club Náutico Deportivo de Ribeira a 24 edición da Regata Frinsa. A proba disputarase este próximo sábado 21 de xuño en augas da Ría de Arousa.