RIANXO> O martes día 29 arranca o Festival Noites de Jazz de Rianxo. Faino ademais volvendo ó emprazamento que o veu nacer, a praza Rafael Dieste, e coa Big Band da Escola de Música de Rianxo como mestra de cerimonias.
O mércores tocaralle a quenda a Pablo Sanmamed Trío e Benxamín Otero mentres que o xoves serán os Swing Titans os encaragados de amenizar a velada. O broche de ouro, o venres, correrá a cargo de Sumrrá, grupo que celebra o seu 25 aniversario.
Ademais dos concertos durante toda a semana desenvolveranse actividades paralelas como jam sessions, concertos didácticos e un obradoiro de baile a cargo do taller Alecrín.
