Barbanza - Muros - Noia

A subdelegada do goberno na Coruña desprazouse ata Boiro para analizar as necesidades de conectividade no municipio. Na xuntanza co alcalde e representantes de Rede Aberta avanzaron na dotación de fibra óptica a aqueles núcleos que permanecen aínda sen cobertura.

Jealsa e Cruz Vermella renovaron o seu convenio de colaboración para seguir a desenvolver o programa Ludieduca cos centros educativos. Xa hai máis dunha década que se implantou este proxecto en colexios de Boiro e A Pobra para promover a educación en valores.

A Pobra presentaba esta mañá as actividades organizadas pola concellería de Cultura para este mes de maio co gallo da celebración do Día das Letras Galegas. Será unha programación do máis variado dirixida a tódolos públicos e que se prolongará ó longo de todo o mes.

A Pobra volverá a ser escenario esta fin de semana dunha nova competición remeira, neste caso o Campionato Territorial Norte de Traineriñas. Será os sábado e o domingo e nela daranse cita ó redor duns dez clubs da zona norte de Galicia, nas categorías cadete, xuvenil e absoluta, tanto en modalidade feminina coma masculina.

Ducias de embarcacións participaron este domingo nun descenso reivindicativo polo río Ulla en contra da macrocelulosa de Altri e a Mina de Touro. Con este novo acto de protesta, a sociedade galega volve poñer de manifesto a súa oposición a ámbolos dous proxectos.

A Deputación da Coruña aprobou por unanimidade hoxe en pleno unha subvención nominativa de cen mil euros para o Club de Remo Puebla. A corporación provincial ratifica así o seu compromiso coa entidade que a principios de ano perdía a súa sede e gran parte do material que almacenaba nun incendio.

Na Pobra presentábase esta mañá a ‘Concentración Moteira Sinfrenos’ que chega este ano a súa undécima edición. A actividade, celebrarase a fin de semana do 17 e 18 de maio, cunha previsión de participación próxima ás cincocentas motos.

A delegada territorial da Xunta na Coruña visitou hoxe o IES de Porto do Son onde se imparte o Ciclo Medio de Guía no Medio Natural e de Tempo Libre. Dada a alta demanda desta especialidade, o centro solicitou a implantación do Grao Superior para o vindeiro curso.

A Asociación de Empresarios de Ribeira inicia unha campaña de captación de socios da man do influencer Víctor Oujo. Trátase do principio dunha colaboración que busca dinamizar o tecido comercial e hostaleiro da vila a través das redes sociais de @vimanstyle.

Tráxico festivo nas comarcas do Barbanza e Muros-Noia. Un veciño Muros perdeu a vida nun accidente acontecido no termo municipal de Outes de madrugada. En Ribeira, aínda que non houbo que lamentar vítimas o susto foi tremendo despois de que un vehículo invadira unha zona peonil a gran velocidade colidindo contra o mobiliario urbano.