Barbanza - Muros - Noia

A falla de avance na tramitación do futuro polígono de Ribeira vén de abrir un cisma entre a asociación de empresarios e o goberno local. Dende a patronal critican a demora no proxecto por  por non ter avanzado na compra das dúas parcelas que faltan para executar o futuro vial de acceso ó parque empresarial.

O concello de Ribeira presentou o programa do Maio Cultural 2025, que organiza a concellería de Cultura en colaboración coas áreas de Educación e Normalización Lingüística. o programa destaca pola súa variedade de actos, cunha aposta polas actividades vinculadas á promoción da lingua galega e á difusión e posta en valor da nosa cultura.

Ribeira acollerá o domingo 11 de maio a undécima edición da carreira pola diversidade que organiza a asociación AMBAR. Como complemento á carreira, tamén haberá a posibilidade de realizar unha andaina.

A Asociación Boirense de Empresas e a Asociación Barbantea de Trastornos do Espectro Autista do Barbanza veñen de asinar un convenio de colaboración que ten coma principal obxectivo fomentar a inclusión social e laboral das persoas con TEA, así como sensibilizar ó tecido empresarial da comarca.

A directora Xeral de Persoas con Discapacidade desprazouse ata o Centro Residencial de AMICOS, en Comoxo. Alí, tivo ocasión de supervisar o avance das obras do novo módulo da residencia nas que a Xunta inviste 1’2 millóns de euros.

O executivo de Boiro debate en pleno a aprobación inicial da RPT. O documento contempla a actualización e modificación das funcións dos máis de 200 traballadores do concello así como o incremento salarial que suporá un investimento de máis dun millón de euros.

Na súa liña de estreitar lazos con outras entidades, a asociación de empresarios de Ribeira vén de presentar unha nova colaboración co colectivo de taxistas. Uns 20 profesionais deste ramo pasarán a formar parte da patronal beneficiándose das campañas e vantaxes dos socios.

A concellería de Cultura de Noia desenvolverá un ano máis a súa semana da Historia, este ano co título de ‘As Portas do Mar’. Será do 3 ó 10 de maio no Teatro Coliseo Noela. O programa deseñado para esta edición, a número doce, incluirá diversas ponencias a cargo de reputados historiadores e investigadores.

De igual xeito, nas comarcas do Barbanza e Muros-Noia foise recuperando a normalidade na subministración eléctrica de xeito  progresivo. Nalgúns concellos como Porto do Son, Outes e Noia, a electricidade volveu de madrugada, a partir das tres da mañá. Noutros municipios coma A Pobra, Ribeira e Muros tardou máis e non se recuperou a luz ata as nove da mañá.

A Xunta realizou unha achega duns 81 mil euros para a compra dun punto limpo móbil que será compartido polos concellos de Lousame e Rois. Os dous municipios iniciarán a licitación do equipamento para que o servizo poida comezar a prestarse o antes posible.