BARBANZA> Os Premios PEL da Deputación da Coruña chegan este ano a súa sétima edición, e fano batendo récord de participación, cun total de 127 candidaturas presentadas por empresas e persoas autónomas de toda a provincia.
A convocatoria, promovida promovida polo organismo provincial, consolídase así como un dos principais recoñecementos ó emprendemento e á innovación empresarial de Galicia.
O pasado 16 de maio pechouse o prazo de presentación de candidaturas e agora o xurado será o encargado de valorar tódalas propostas, que optan a un total de 75 mil euros en premios. Como en edicións anteriores as candidaturas distribúense en tres categorías: Iniciativa Emprendedora, á que houbo 31candidaturas presentadas; Traxectoria Empresarial, con 79 e Proxección e Innovación Sostible, á que se presentaron 17, esta última a proposta do propio xurado.
Ademais dos tres premios principais de 20 mil euros cada un, o xurado acordou conceder tres accésits de 5 mil euros a empresas cunha especial relevancia e impacto no territorio.
Os gañadores desta edición 2025 dos Premios PEL daranse a coñecer durante a gala oficial que se celebrará o vindeiro 20 de xuño no Campus Tecnolóxico de Cortizo, en Padrón.
O acto servirá para recoñecer publicamente a contribución das empresas ó desenvolvemento económico sostible da provincia e permitirá ademais fomentar o contacto e o intercambio de experiencias entre as candidaturas participantes.
