O presidente da Deputación destaca o papel de Congalsa como motor do emprego feminino
O presidente da Deputación da Coruña sitúa a Congalsa como referente da industria transformadora en toda Galicia. Así o manifestou Valentín González Formoso na visita realizada á factoría emprazada no polígono da Tomada na Pobra na que tivo ocasión de coñecer as instalacións da planta e os plans de futuro da compañía.
Éxito de público nun San Marcos do máis tradicional
Noia viviu o seu fin de semana grande coa celebración dun San Marcos multitudinario. Centos de persoas gozaron da tradicional feira cabalar e maquinaria agrícola, así como dos numerosos espectáculos e concertos que se desenvolveron na vila de venres a domingo.
O BNG propón habilitar zonas de estacionamento para residentes nas parroquias
O BNG propón a creación de zonas de estacionamento exclusivas para residentes nas parroquias con maior afluencia de visitantes durante o verán. A medida implantaríase en Palmeira, Castiñeiras e Corrubedo nos meses de xullo e agosto.
Vegalsa-Eroski doa máis de 4000 euros a AMICOS para proxectos medioambientais
Vegalsa-Eroski vén de doar máis de 4000 euros a AMICOS procedentes da recollida e valoración dos residuos depositados polos seus clientes nos supermercados de Galicia, Asturias e Castela e León. Estes fondos irán destinados ós distintos programas medioambientais que ten en marcha a entidade en toda a comarca.
O Pazo de Goiáns volverá acoller a Romaría das Letras o 17 de maio
O Pazo de Goiáns volverá converterse en epicentro cultural o 17 de maio coa tradicional Romaría das Letras. Música e baile tradicional mesturarase con obradoiros, presentacións literarias e un mercado artesán.
O Encontro dos Maiores reunirá a 900 ribeirenses o 10 de maio
Unhas 900 persoas asistirán ó Encontro dos Maiores que se celebrará o domingo 10 de maio en Ribeira. A partir deste luns poderán adquirir as entradas cun custo de 25 euros. Está dirixido a maiores de 60 anos e xubilados, con prioridade para os empadroados en Ribeira.
Arranca en Ribeira o V Torneo de Tenis en Terra Batida A Devesa
Esta tarde arrancaba en Ribeira a quinta edición do Torneo de Tenis a Devesa. No torneo que se prolongará ata o 28 de xuño tomarán parte uns 150 tenistas chegados dende diferentes localidades galegas. Trátase do único torneo que se disputa en terra batida en Galicia, incluíndose as categorías de veteranos, sub-18, dobres, masculina e feminina.
As escavacións no cemiterio de Asados sacan á luz unha antiga necrópole medieval
O Grupo Histagra da USC presentou esta mañá en Rianxo os resultados da escavación desenvolvida a finais do pasado ano no cemiterio rianxeiro de Asados. Aínda que a busca concluíu sen achar os restos de Manuel Piñeiro Abeijón e Francisco López Pérez, os traballos sacaron á luz unha antiga necrópole medieval.
Boiro acolle este sábado o XXXVIII Gran Premio de Promoción Ricardo Riveiro
Boiro acollerá este sábado o 25 de abril a 38 edición do Gran Premio de Promoción Ricardo Riveiro. A proba, que está organizada polo Club Ciclista Barbanza, en colaboración con diversas entidades, entre elas a Federación Galega de Ciclismo ou o propio Concello, vai dirixida ás categorías dende promesas a junior, incluíndo tamén ciclismo inclusivo.
Manuel Losada presenta a súa última novela de misterio ambientada en Boiro
Manuel Losada presentará este venres no Souto de Rubiáns as súas dúas últimas novelas. A intriga e o misterio están garantidos tanto en 'El Eco de las Aguas' como en ‘La sombra de Carmen’, segunda entrega dun relato ambientado en Boiro.
