BOIRO> O concello de Boiro vén de habilitar medio cento de novas prazas de estacionamento no Saltiño. Co acondicionamento dunha parcela como aparcadoiro pretende dar servizo á alta demanda existente na zona onde se empraza o centro de saúde.
Os veciños de Boiro disporán dun novo espazo de estacionamento na zona do Saltiño, a carón do centro de saúde. Trátase dunha parcela con capacidade para uns corenta vehículos.
Con este xa son varios os espazos habilitados para aparcar en varias zonas do centro urbano, a través de acordos cos propietarios das parcelas para o seu alugueiro.
Ademais do acondicionamento do aparcadoiro, procedeuse á reordenación das prazas de estacionamento nas rúas adxacentes.
