Barbanza - Muros - Noia

A parroquia ribeirense de Artes volverá converterse en capital do folk galego co Bruón Fest que se celebrará o 8 e 9 de maio.  Xunto con numerosas agrupacións tradicionais de toda a comarca, participarán nesta terceira edición figuras destacadas como Mondra e Luís Prego.

Tres veciñas de Rianxo reteñen a un ladrón que acaba de roubar nun establecemento da localidade. As imaxes recollidas por outra veciña co seu móbil dende a fiestra da súa vivenda viralízanse, tras ser difundidas a través das redes sociais.

RIBEIRA> Ribeira conmemorará o Día da Danza cunha clase aberta a cargo do Taller Alecrín. Será este domingo a partir das seis da tarde...

BNG, PSOE e o grupo de non adscritos presentaron unha moción conxunta solicitando a revisión do proxecto do carril bici entre o casco urbano de Ribeira e Palmeira. Consideran que a proposta do goberno, cun investimento próximo ós 600 mil euros, non garante a seguridade nin a funcionalidade da infraestrutura.

A Pobra volverá convertese durante o mes de maio en capital do fútbol base co Torneo Internacional Congalsa en beneficio da Fundación Aladina. Preto de 40 equipos, con representación internacional, daranse cita no evento entre o 22 e o 24 de maio.

O conselleiro de Educación, Román Rodríguez, visitou o CEIP Praia Xardín de Boiro unha vez adxudicadas as obras de rehabilitación integral das instalacións por 1,1 millóns de euros. A actuación presentada esta mañá permitirá a mellora do illamento térmico da fachada para unha maior eficiencia enerxética do inmoble incluíndo tamén a renovación da cuberta e da carpintería exterior.

O hospital do Barbanza foi escenario ó longo desta mañá dunha concentración continua para denunciar o incremento das listas de agarda. Dende a plataforma pola Sanidade Pública do Barbanza demandan unha xuntanza co xerente da área e o director do hospital para abordar o retraso nas consultas de revisión que non se inclúen nas listaxes oficiais.

O BNG pediralle á Xunta a declaración de zona de emerxencia por borrascas no litoral afectado ante a grave situación do marisqueo. Así o trasladou a súa voceira nacional, Ana Pontón, despois dun encontro con representantes da confraría de pescadores de Noia. Pontón tamén solicitou a bonificación con carácter retroactivo das cotas da Seguridade Social para os mariscadores afectados e propúxolle á Xunta que asuma a xestión do encoro do Tambre, aproveitando a caducidade da concesión.

A delegada territorial da Xunta visitou esta mañá as instalacións da academia Yara en Ribeira onde se está a impartir un curso para mellorar a empregabilidade. No Barbanza desenvolveranse un total de 13 accións formativas cun investimento dun millón de euros.

Adxudicada a remodelación do Paseo das Carolinas. A empresa Transmaser Excavación será a encargada de executar a obra que suporá unha fonda transformación do inicio do paseo marítimo de Coroso. A actuación estará rematada no mes de xuño.