Barbanza - Muros - Noia

A Plataforma en Defensa de Sanidade Pública do Barbanza entregaba esta mañá no concello da Pobra as máis de tres mil sinaturas recollidas nas últimas semanas. Reclaman á Consellería a cobertura de tódalas prazas médicas e a apertura do PAC en quenda de tarde.

Noia Histórica dá a benvida á primavera cunha campaña comercial para animar as vendas ata finais de abril. Repartirán 40 cadeiras de praias entre os clientes que xunten un mínimo de cinco tíckets de compra por valor de 120 euros en total.

A Garda Civil e a Policía Nacional, nun operativo conxunto, desartellaron a un grupo criminal itinerante ó que lle atribúen multitude de delitos de roubo e furtos de dispositivos móbiles en toda Galicia. A investigación, realizada no marco da denominada operación Galaxia Aimalum, na que tamén participou o posto principal de Boiro, permitiu esclarecer uns 200 feitos delitivos. O valor total dos efectos subtraídos supera os 200 mil euros.

A Xunta de Galicia cederá o contrato das obras de humanización de Palmeira a outra empresa ante a imposibilidade da adxudicataria de continuar cos traballos polas graves dificultades económicas que atravesa.

Na súa aposta por favorecer a conciliación, o concello da Pobra volverá poñer en marcha este verán o programa ‘Móvete’. Vai dirixido a nenos de 3 a 12 anos que disporán dunha alternativa de lecer durante todo o período non lectivo.

A reforma levada a cabo recentemente nos Xardíns Felipe de Castro de Noia está a xerar certa controversia. O BNG critica o resultado do proxecto ó consideralo un parche inapropiado para un ben histórico. Pola súa banda, dende o concello non descartan pedir responsabilidades á empresa por unha serie de erros na execución.

Noia quenta motores para vivir unha das súas citas máis tradicionais. As festas de San Marcos celebraranse entre o 24 e o 26 de abril cunha ampla programación lúdica na que o evento principal volverá ser a feira cabalar.

O concello de Rianxo denuncia un novo atentado contra o seu patrimonio arqueolóxico. Neste caso o acto vandálico afectaba ó petróglifo da Foxa Vella. Segundo informaron fontes municipais os autores deste ataque rascaron cunha pedra a rocha deste elemento patrimonial, declarado Ben de Interese Cultural, cunha pedra deixando varias marcas nel.

O concello de Boiro acolle este sábado a fase final do Campionato Galego Infantil de Voleibol. Os catro mellores equipos de Galicia medirán forzas nun torneo do que sairá o clasificado para participar no campionato de España que se celebrará a finais de maio en Castellón.

NOIA> O BNG critica as axudas para mariscadores anunciadas pola Consellería do Mar. Ademais de consideralas insuficientes, os nacionalistas esixen aclaracións sobre os criterios...