O PORTO DO SON> O Porto do Son pechará o mes de maio con maxia. Os magos Vituco e Kenneth ofrecerán dous espectáculos de ilusionismo que farán as delicias de nenos e maiores. Serán o 23 e o 30 de maio.
Xa están á venda as entradas para os dous espectáculos dos que se compón o ciclo de maxia do Porto do Son. O primeiro será este sábado na casa da culturado Porto do Son a cargo do Mago Vituco mentres que o día 30 será o Mago Kenneth quen ofreza o seu espectáculo de ilusionismo en Portosín.
Dende o concello destacan a gran calidade dos espectáculos, dirixidas principalmente a público familiar, que terá ocasión de gozar destes dous magos de primeiro nivel sen ter que saír do concello.
As entradas xa se poden reservar a través de www.entradium.com ou nas redes sociais do concello do Porto do Son. O ciclo conta ademais co patrocinio da marca Azul de Portosín.
