Ribeira será sede do Campionato Galego da Clase ILCA
Ribeira acollerá esta vindeira fin de semana, do 28 ó 30 de marzo, o Campionato Galego da clase ILCA. A proba, organizada polo Club Náutico e a Federación Galega de Vela, contará coa participación dun cento de regatistas chegados dende diferentes clubs de toda Galicia.
A Deputación da Coruña premia ós mellores deportistas, clubs e entidades da provincia
A Deputación da Coruña entregou os Premios do Deporte no transcurso dunha gala que tivo lugar o pasado venres pola noite no Teatro Colón da Coruña. O acto, que reuniu a centos de deportistas, clubs e entidades colaboradoras, serviu para recoñecer o traballo e os éxitos do deporte a nivel provincial.
Oito combates, un deles profesional, completan a XIV Velada de Boxeo ‘Cidade de Ribeira’
Ribeira acollerá o vindeiro sábado 28 de marzo a XIV Velada de Boxeo que organiza o Club ‘EL Canario’. Será no pavillón Torres Colomer de Palmeira e constará de 8 combates, un deles profesional.
O BNG de Ribeira reclama maiores investimentos nas instalacións portuarias
O BNG de Ribeira denuncia o estado de abandono de boa parte das instalacións portuarias do municipio. Piden a Portos de Galicia investimentos por valor de 150 mil euros para garantir o mantemento das instalacións e a seguridade dos usuarios.
As futuras estrelas do volei galego daranse cita en Rianxo
Rianxo acollerá o domingo 29 de marzo o Torneo Futuras Estrelas. A actividade está organizada polo Club Voleibol Rianxo e a Federación Galega de Volei, en colaboración co Concello.
A alameda da Pobra acolle unha mostra sobre a camelia na provincia da Coruña
A Pobra acolle a exposición ‘A Camelia na provincia da Coruña’. A mostra, organizada Asociación Española da Camelia con financiamento da Deputación da Coruña, poderá visitarse nos xardíns de Valle-Inclán ata este domingo.
A flota pesqueira reclama axudas directas para afrontar a suba do combustble
A flota pesqueira reclama axudas directas ó sector para afrontar a suba do prezo do combustible. O incremento dos custos está a poñer en serias dificultades á flota artesanal que nalgúns casos optou por reducir a actividade ante a escasa rendibilidade.
Avanza a tramitación da futura unidade oncolóxica do Hospital do Barbanza
Avanza a bo ritmo un dos principais proxectos en materia sanitaria para o Barbanza. A licitación da redacción da Unidade Oncolóxica no hospital comarcal permitirá poñer en marcha este servizo ó longo do próximo ano. Os pacientes con doenzas oncolóxicas ou hematolóxicas, poderán recibir tratamentos e realizar probas sen ter que desprazarse ata Santiago.
Ribeira implica ós escolares na celebración do Día do Libro cun concurso de marcapáxinas
O concello de Ribeira e a biblioteca municipal convocan a quinta edición do concurso de marcapáxinas para conmemorar o Día do Libro. Vai dirixido a escolares de primeira que deben plasmar debuxos ou textos alusivos á lectura.
Corrubedo acolle unha andaina solidaria en favor de dúas asociacións animalistas
O Club Natural Sport, en colaboración con diversas entidades do municipio, organiza unha andaina solidaria en favor de dúas protectoras de animais. Desenvolverase o 29 de marzo na contorna de Teira, en Corrubedo, e ademais da modalidade a pé, haberá unha proba canina e outra a cabalo.
