Barbanza - Muros - Noia

Carlos Lorenzo e Andrea Vázquez foron os gañadores absolutos do Portosín Trail, modalidade longa de 21 quilómetros, mentres que Yeray Lorenzo e Marta Vázquez vencían na distancia curta de 15. A proba, disputada onte domingo, pechaba o Circuíto Trail Series 2026 organizado por Arousa Neo.

A Pobra volveu conmemorar o Día de Rosalía cun emotivo acto no que participaron os escolares do municipio. Ademais da lectura de poemas e cantigas, celebrouse a tradicional ofrenda floral ante o busto da escritora.

O entroido pequeno viviuse por todo o alto no Barbanza posto que moitos dos actos aprazados polo mal tempo celebráronse esta fin de semana. Os desfiles da Pobra e de Boiro, xunto co París Dakar de Noia centraron o programa de actividades que chegaron á súa fin cos tradicionais enterros como o do Felipiño en Escarabote.

O BNG demanda melloras no transporte do Barbanza, non só no referente ás liñas senón tamén ás infraestruturas. Refírense á estación de autobuses da Pobra, con instalacións pechadas e sen apenas mantemento.

Trescentos participantes daranse cita na undécima edición de ‘Os 100 do Barbanza’, unha das probas de ultrafondo máis esixentes de Galicia. Disputarase entre o 20 e o 21 de xuño cun percorrido de 100 quilometros a través de sete concellos das comarcas do Barbanza e Muros-Noia.

Polémica no pleno de Boiro tras un mal entendido na votación dunha emenda relativa ó Servizo de Axuda no Fogar. Os concelleiros do Partido Popular solicitaron corrixir o sentido do seu voto. Ante a negativa acabaron abandonando a sesión.

O BNG do Barbanza volve a reclamar a recuperación ambiental da zona da Ribeiriña, na Pobra, que leve aparellada a demolición da antiga fábrica de Hadasa. Os nacionalistas piden tamén a eliminación definitiva dos vertidos contaminantes que a día de hoxe seguen a producirse á Ría.

A Deputación da Coruña vén de licitar as obras de mellora do firme da estrada DP-6202, que vai de Outes ata a AC-400 por Valadares. O proxecto, unha vella demanda da veciñanza e o goberno local, conta cun orzamento de preto dos 530 mil euros.

A localidade sonense de Portosín acollerá este próximo domingo, 22 de febreiro, o Portosín Trail. Na proba, incluída no Circuíto Trail Series Arousa Neo, prevese unha participación de máis de 350 persoas, repartidos no trail longo, o curto e a andaina.

RIBEIRA> O concello de Ribeira celebraba esta mañá unha xunta local de seguridade para abordar a crecente vaga de roubos. Contou coa presenza do...