O PP de Boiro esixe a rebaixa do IBI
O PP de Boiro levará ó vindeiro pleno unha moción a través da cal volverá a reclamarlle ó grupo de goberno a rebaixa do Imposto de Bens Inmobles. Os populares reclámanlle ó executivo local que o deixe no nivel máis baixo posible este imposto, no 0’4%, tanto o de rústica coma o de urbana.
O Ballet Clásico Internacional ofrecerá dous espectáculos en Ribeira este Nadal
O auditorio de Ribeira acollerá este Nadal dous espectáculos do Ballet Clásico Internacional. Será os días 6 e 7 de xaneiro coas obras ‘El Lago de los Cisnes’ e ‘El Cascanueces’. O vindeiro luns, as entradas saírán a venda a un prezo de 35 euros máis gastos de xestión, en ataquilla.es, e de xeito presencial na Oficina de Atención Cidadá do Concello
Polémica en Ribeira tralas novas restricións de estacionamento no recheo portuario
Malestar en Ribeira tralas restricións de estacionamento na zona portuaria. Esta semana entra en vigor a prohibición de aparcar en boa parte da explanada de luns a venres, quedando reservada ós usuarios que realicen a actividade profesional no porto.
Ribeira segue a reclamar a cobertura de tódalas prazas médicas no centro de saúde
Como cada xoves os ribeirenses volveron concentrarse ás portas do centro de saúde pola cobertura do cen por cento das prazas médicas. Dende a Plataforma pola Sanidade Pública lembran que hai preto de tres mil pacientes sen un facultativo asignado cos consecuentes prexuízos na calidade asistencia.
Rianxo avanza en servizos básicos con obras orzamentadas nuns 800 mil euros
Nestes últimos meses o goberno rianxeiro veu desenvolvendo un intenso traballo administrativo que deu coma resultado a licitación, adxudicación e incluso a execución de distintas actuacións ó longo de todo o municipio. Trátase de obras na súa maioría en materia de saneamento e abastecemento de auga, cun orzamento moi elevado, cun investimento total de preto de 800 mil euros.
Ribeira reforza a súa oferta formativa con dous novos seminarios do IV Ciclo da...
RIBEIRA> O concello de Ribeira reforza a súa oferta formativa con dous novos seminarios do cuarto ciclo da Universidade de Santiago. Os cursos, dirixidos...
O BNG de Ribeira convida á veciñanza a un magosto popular
O BNG de Ribeira, organiza xunto con Galiza Nova e a asociación cultural Altofalante, un magosto popular. será este sábado na praza do concello que acollerá ademais a presentación do libro infantil ‘O Magosto de Brais’.
Rianxo será esta fin de semana a primeira parado do ‘Máis que Tapas’ de...
A undécima edición do certame ‘Máis Que Tapas’ da mancomunidade Barbanza Arousa arranca esta fin de semana en Rianxo. A dinámica do certame será similar ó de edicións anteriores con obradoiros, degustacións e sorteos de agasallos. Coma principal novidade deste ano é a creación da páxina web oficial da ruta con información detallada de cada tapa e establecemento participante.
Buscan en Asados os corpos de dous represaliados da violencia golpista de 1936
Un grupo multidiciplinar formado por historiadores, antropólogos forenses, arqueólogos e xenetistas iniciaban esta mesma semana no adro da igrexa de Asados, en Rianxo, a busca dos corpos de dúas vítimas da represión franquista. Trátase de Manuel Piñeiro Abeijón, veciño de Boiro, asesinado en agosto de 1936, e Francisco López Pérez, veciño de Taragoña, fusilado en setembro dese mesmo ano. Os traballos de exhumación están coordinados polo grupo Histagra-Cispac-USC.
O goberno noiés esixe responsabilidades ó PP polas facturas inxustificadas que pasaba ó Concello
Augas revoltas en Noia a raíz da publicación no xornal El Diario.es sobre o gasto desmesurado e inxustificado realizado polo grupo municipal do Partido Popular, que pasou ó Concello diversas facturas que nada teñen que ver coa actividade institucional. Dende o goberno esixen a dimisión de Santiago Freire, anterior alcalde, coma o máximo responsable, e pídenlle ó PP que devolva ó Concello eses cartos que se gastaron de forma incorrecta.
