O CEIP O Grupo de Ribeira arranca o curso con protestas polos recortes
O inicio do curso na comarca do Barbanza estivo marcado polas protestas. No CEIP O Grupo, de Ribeira, os membros da comunidade educativa concentráronse ás portas do centro para reclamar a incorporación dun titor que permita o desdobre en terceiro de primaria.
O concello de Ribeira trasladaralle á Xunta as necesidades dos centros educativos
Dende o concello de Ribeira sumáronse á concentración da ANPA do Grupo en sinal de apoio ás reivindicacións de toda a comunidade educativa. Anunciaron ademais que se porán en contacto coa Consellería de Educación para trasladarlle as necesidades que presentan tódolos centros do municipio.
O futuro da vela deuse cita en Ribeira no marco da XIX Regata Gadis
Medio cento de nenos participaron esta fin de semana na regata Gadis organizada polo Club Náutico de Ribeira. A entrega de premios contou coa asistencia do presidente honorífico, Ramiro Carregal, que anunciou a construción dunha nova escola de vela.
Porto do Son celebra o día máis emotivo das Festas do Carme
Porto do Son viviu hoxe o día grande das súas festas do Carme. As celebracións relixiosas centraron o programa festivo coa tradicional misa solemne no porto e a posterior procesión marítima.
A Pobra acollerá o 15 de setembro o Campionato Galego de Remo de Mar
Esta mañá presentábase na Pobra o Campionato Galego Xunta de Galicia de Remo de Mar. unha proba que terá lugar o vindeiro domingo 14 de setembro baixo a organización do Club de Remo Puebla e a Federación Galega de Remo. Estará aberto a tódalas categorías, dende alevín a veteranos, e nela prevese unha participación duns 150 remeiros procedentes de clubs de toda Galicia.
Xunta e o Concello sufragarán ó 50% a reforma do centro de saúde de...
O conselleiro de Sanidade, Antonio Gómez Caamaño, e o alcalde de Porto do Son, Luís Oujo, asinaban esta mañá o convenio de colaboración que permitirá a reforma do centro de saúde da localidade, mentres se agarda pola tramitación do novo. A actuación, cun orzamento que roldará os 43 mil euros, será financiada ó 50% polas dúas Administracións.
A conselleria do Mar supervisou os traballos do operativo de emerxencias no ‘Awadi’
Despois de catro días de traballo, no porto de Ribeira continúan as labores de extinción no arrastreiro ‘Awadi’. O lume no interior do buque segue activo, aínda que con escasa incidencia e xa se dá por controlado. O operativo despregado na zona centra agora os seus esforzos en extraer os residuos contaminantes que se detectaron na bodega do buque para evitar que vaian a parar o mar.
Os comuneiros de Lesón denuncian novos estragos do gando mostrenco nas súas plantacións
A Comunidade de Montes de Santa Cruz de Lesón na Pobra do Caramiñal vén de denunciar os estragos ocasionados polo gando mostrenco en varias das súas plantacións, na Curota. Segundo eles non é un problema novo. Apelan ás Administracións con competencias na materia, nomeadamente á Xunta e ó Concello, a que tomen cartas no asunto, para que traten de identificar ós presuntos responsables, xa que os danos ocasionados representan un alto custe para a Comunidade.
Seguen os traballos de extinción no pesqueiro incendiado no porto de Ribeira
En Ribeira os equipos de emerxencias continúan coas labores de extinción do lume declarado na tarde de onte nun pesqueiro atracado no porto da localidade. Segundo informaron fontes do propio operativo, os esforzos céntranse agora en evitar o afundimento do buque e as posibles verteduras ó mar. Os traballos de extinción poderían prolongarse durante varios días.
Os nenos do cole de Asados non irán a clase este luns no inicio...
Tal e como acordaron na última asemblea, e tras a enquisa realizada co respaldo do 100% dos pais, os nenos do CEIP Ana María Diéguez de Asados, en Rianxo, non asistirán a clase este luns, data prevista para o inicio do curso. A ANPA mantén así o pulso aberto coa consellería de Educación como medida de protesta ante a falla de profesores e especialistas no centro educativo.
