Aprobadas as dedicacións do novo goberno noiés
A corporación municipal saínte da moción de censura en Noia celebrou onte pola tarde o seu pleno de organización. O novo goberno, conformado polo PSOE e a Marea, conseguíu sacar adiante a súa proposta, cos votos a favor do concelleiro do grupo de non adscritos, Luís Alamancos, e o BNG. Serán tres dedicacións exclusivas, a do alcalde, Francisco Pérez, e a dos edís Manolo Seijas e Sandra González, e unha parcial a do concelleiro Abel Pan.
Uns cen regatistas tomarán parte na XIX Regata Gadis
Esta fin de semana vai ter lugar a 19 edición da Regata Gadis. Organizada polo Club Náutico e Deportivo de Ribeira, a proba, centrada nas últimas edicións na promoción da vela entre os máis cativos, reunirá a un cento de regatistas das clases Optimist e ILCA 4.
Rianxo celebra esta fin de semana o XVII ‘Rock in Rian’
Todo listo en Rianxo para o arranque unha nova edición, e xa van un total de 17, do Festival Rock in Rian. Será esta fin de semana. O venres 5 e o sábado 6, coa participación dun total de 17 grupos do panorama musical galego. Como cabeza de cartel a banda madrileña Boikot, que actuará o venres a partir das once da noite.
Boiro clausura o obradoiro de emprego Medioambiental Torre Goiáns IV
Esta mañá tiña lugar en Boiro o acto de clausura do Obradoiro de Emprego medioambiental Torre Goiáns 4. No acto, presidido polo alcalde, Xosé Ramón Romero, fíxoselle entrega ós 20 alumnos-traballadores participantes dos diplomas acreditativos de ter obtido a formación nas modalidades de Instalación de elementos de carpintería e Repoboacións forestais e tratamentos silvícolas.
Bealo mantense fiel á súa cita co San Ramón
A parroquia boirense de Bealo vestiuse onte domingo de gala para celebrar a tradicional romaría de San Ramón, á que as mulleres embarazadas van en busca de axuda para ter un bo parto. Como cada ano, miles de persoas déronse cita nesta festa, unha das máis concorridas da comarca do Barbanza, declarada ademais de Interese Turístico Galego.
O novo goberno de Noia denuncia a existencia de facturas sen consignar por máis...
O goberno de Noia denuncia a precaria situación económica do concello. 15 días despois de asumir a xestión municipal comprobaron que o estado das contas é moito peor do agardado. Acumula unha débeda próximo ós seis millóns de euros coa Mancomunidade Serra do Barbanza e outras administracións públicas. Aínda que o máis grave é a entrada de facturas sen consignar por valor de máis dun millón de euros.
Ribeira amplía as prazas da súa oferta formativa para maiores
O concello de Ribeira amplía o número de prazas dos obradoiros para maiores que, un ano máis, chegará a tódalas parroquias. As actividades formativas están dirixidas a pensionistas, maiores de 60 anos, empadroados no municipio. Poderán realizar as inscricións a partir do próximo luns.
Achan en Sálvora o fragmento dunha vasilla datada entres os séculos XVI e XVIII
Tres mariscadores de Aguiño atopan un anaco dunha vasilla de cerámica datada entre os séculos XVI e XVIII. A peza foi atopada mentres faeanaban nas inmediacións de Sálvora.
Inaugurada en Ribeira a exposición ‘Sinaladas’ da Deputación da Coruña
A exposición itinerante ‘Sinaladas’ da Deputación da Coruña chega a Ribeira. A mostra, que recupera a memoria de 540 mulleres importantes na historia de Galicia, a través de diversos paneis, foi inaugura esta mañá pola deputada de Igualdade, Soledad Agra, e o alcalde, Luís Pérez Barral.
A delegada da Xunta clausura o obradoiro de emprego Lousame-Noia
A delegada territorial da Xunta na Coruña presidiu esta mañá o acto de clausura do obradoiro de emprego conxunto entre Noia e Lousame. Vinte alumnos, dez de cada concello, recibiron o seu certificado de profesionalidade en Actividades Auxiliares de conservación e mellora de montes.
