Barbanza - Muros - Noia

Noia prepárase para acoller unha das citas deportivas máis destacadas do verán, o Torneo de Baloncesto 3x3 que organiza o CB Noia. a cita presentada esta mañá no Concello, desenvolverase a fin de semana do 16 e 17 de agosto. Agárdase unha alta participación, con máis de 50 equipos de categorías U-12, U16, Senior e veteranos.

Esta mañá inaugurábase na alameda noiesa a feira Pop UP. A iniciativa comercial organizada pola asociación Noia Histórica en colaboración co Concello prolongarase ata o domingo. Nela participan un total de trece establecementos comerciais da vila, ofrecendo importantes descontos de roupa e calzado.

Mañá venres arranca na Pobra unha nova edición de ‘Comercio á Rúa’. A iniciativa comercial desenvolverase durante toda a fin  de semana na praza do Emigrante. Os establecementos participantes sacarán os seus produtos e servizos á rúa. Tamén haberá actividades de animación.

Porto do Son prepárase para un dos seus días grandes, en canto a festas gastronómicas. A explanada portuaria acollerá esta fin de semana unha nova edición da Festa do Polbo. Todo un referente para os amantes do bo comer.

A Xunta leva a cabo novas intervencións arqueolóxicas no Castro de Baroña, en Porto do Son. O conselleiro de Cultura, Lingua e Xuventude, José López Campos, visitou os traballos que se están a desenvolver actualmente, que contan cun investimento duns 18 mil euros.

Falece un condutor en Boiro tras precipitarse co seu coche ó río Coroño. O suceso producíase ó redor das tres e media da mañá na ponte de Runs. Á súa chegada, os equipos de emerxencia tan só puideron certificar a súa morte. Tiña 35 anos e era veciño da localidade pontevedresa de Arbo, aínda que dende hai algún tempo residía en Boiro.

A patronal ribeirense segue no seu empeño de levar adiante o novo polígono empresarial co fin de dar resposta á elevada demanda de chan industrial da localidade. O presidente da entidade, Francisco Martínez, insiste na necesidade de que o Concello cumpra co acordado e adquira dunha vez os terreos pendentes para levar a cabo a dita actuación.

Pero a comarca do Barbanza foi tamén mexillón, coa celebración da catorce edición da Festa de Exaltación do Mexillón de Rianxo. A cita foi de novo un éxito, superando tódalas expectativas da organización, a Asociación Gastronómica e Cultural da Festa do Mexillón de Rianxo, repartíndose unhas catro mil racións deste bivalvo. Off A carpa instalada no Campo de Arriba quedouse pequena para dar acubillo ás numerosas persoas que se achegaron a Rianxo para asistir á Festa do Exaltación do Mexillón. A cita gastronómica, organiza pola Asociación Gastronómica e Cultural da Festa do Mexillón de Rianxo e o Club de Remo da localidade, en colaboración co Concello e a Xunta de Galicia, resultou todo un éxito. --inserto Repartíronse unhas catro mil racións de mexillón preparadas de distintas maneiras, aínda que ó vapor, ó xeito tradicional, foi unha vez máis a que trunfou entre os asistentes. --insertos Entre as autoridades presentas na festa, tamén se atopaba a conselleira do mar, Marta Villaverde, que non quixo faltar a esta cita gastronómica, apoiando ó importante sector mexilloeiro da localidade e por extensión ó da comarca, cunha base moi sólida na economía local. Pero o verdadeiramente importante é que ademais de ser unha cita gastronómica de interese turístico, a festa ten tamén outro importante obxectivo, e ese non é outro que recadar fondos para o Club de Remo da localidade.

Ribeira despediu onte domingo as súas festas de verán despois de cinco días de celebracións. O acto central dos festexos na fin de semana foi a tradicional procesión na honra da Virxe do Carme, que tivo lugar o sábado pola tarde, e á que asistiron centos de persoas, entre elas, a conselleira do Mar, Marta Villaverde.

O concello de Rianxo instará á Xunta a cubrir tódalas necesidades educativas que veñen demandando as ANPAS e equipos directivos dos centros do municipio. A corporación aprobou por unanimidade esta proposta debatida nun pleno extraordinario demandando polo grupo socialista.