Barbanza - Muros - Noia

NOIA> Esta mañá presentábase a primeira edición do Torneo de Pickleball Concellode Noia. A actividade, organizada pola concellería de Deportes, en colaboración coa Federación Galega de...

Aguiño segue en pé de guerra para lograr a cobertura das vacacións dos médicos no consultorio da parroquia. Os veciños concentrábanse esta mañá ás portas do centro de saúde para denunciar que contan tan só cun facultativo durante o verán.

O concello de Ribeira adxudicou o proxecto de pavimentación da rúa Castelao, na parroquia de Aguiño. A obra, orzamentada en 140 mil euros, acometerase con cargo ó Plan de Obras e Servizos da Deputación da Coruña. Ten un prazo de execución de dous meses.

Tralo parón da pasada semana pola ponte festiva, a plataforma en Defensa da Sanidade Pública do Barbanza retomou as mobilizacións para reclamar a incorporación de médicos no centro de saúde. Denuncian o incremento das listas de agarda en primaria polo que animan ós afectados a presentar reclamacións por escrito.

O PP de Ribeira insta ó goberno a buscar consenso para levar novamente a pleno a proposta de subvencións nominativas que non saíu adiante o pasado luns polos votos en contra dos populares e do PBBI.

21 establecementos participarán na Feira de Oportunidades Viamare Stock que se celebrará entre o 8 e o 10 de agosto en Ribeira. Con motivo do vixésimo aniversario deste evento, a asociación de empresarios sorteará un vale de compra de 150 euros entre tódolos clientes.

O alcalde de Noia, o ‘popular’ Santiago Freire, asimila con resignación a moción de censura presentada polo Partido Socialista, BNG, Marea e o concelleiro transfuga, Luís Alamancos. Segundo el, esta acción que apartará ó PP e ó NOIA do goberno municipal está totalmente inxustificada, e responde unicamente a unha cuestión de oportunismo político e nunca polo ben común do Concello.

A pesar de que as atraccións das festas de Ribeira xa están instaladas, continúa a polémica ó redor do procedemento para lograr a autorización de Portos de Galicia. O PP pide explicacións ó alcalde pola presunta deixadez de funcións que obrigou a intervir tanto á oposición como a outros grupos do goberno.

A corporación municipal da Pobra debaterá mañá en pleno a modificación da taxa fiscal do mercado. O novo texto introduce importantes novidades para os feirantes como o cobro por metros liñais e non cadrados ou a redución do prezo durante o primeiro e o último trimestre do ano cando se reduce a actividade.

Ribeira acollerá o sábado 9 da agosto a cuarta edición da Feira Xiradiscos. O evento pretende ir máis aló dun mercado de vinilos cun diverso programa de actividades complementarias que se desenvolverán durante toda a xornada na praza da Porta do Sol.