SALNÉS > As fortes chuvias que caeron na comarca do Salnés a finais de 2006 provocaron serias inundacións e riadas que afectaron a bo número dos seus concellos e mais a outros de comarcas próximas. Sen dúbida o que levou a peor parte foi Vilagarcía de Arousa. Tamén O Grove, Cambados, Meis ou Caldas se viron coa auga ata o colo. Na selección fotográfica que lles amosamos a continuación poden ver tan só unha pequena parte das imaxes máis representativas que recolleron as cámaras de Telesalnés – Barbanza durante a traxedia e os días posteriores.
|
Nalgúns concellos algunhas familias quedaron sen a súa vivenda. É o caso desta veciña do Grove á que a riada lle levou literalmente a casa por diante. |
Como medida preventiva, moitos comercios optaron por utilizar diversos métodos ‘artesanais’ para frear a entrada da auga. |
|
|
En Caldas a auga apoderouse das rúas converténdoas en auténticos canais. |
A cantidade de auga caída foi tal que cando baixou o seu nivel quedaron estampas coma esta: algún coche que flotaba coa marea quedaba pendurado do valado do río do Con. |
|
|
A Vía de Alta Capacidade do Salnés viuse seriamente prexudicada. Na noite das chuvias máis intensas abriuse un gran burato á altura de Meis no que caeu un coche dos operarios da CPTOPT. Cando acudía ó seu rescate, unha patruclla da Garda Civil precipitouse tamén. |
O desta fotografía é o momento no que o coche da Garda Civil está a piques de precipitarse. |
|
|
O río do Con precisou ser dragado logo das inundacións para que non volvese desbordar. |
Ata a ‘zona cero’ achegáronse numerosas autoridades para comprobar o estado do lugar e comprometer diversas axudas. |
|
|
Un garaxe no Grove presentaba este aspecto ó día seguinte das inundacións. O día anterior a auga cubríao por completo ata o teito. |
Así amencían as aulas dun colexio caldense. |
|
|
Tampouco Meis se librou das consecuencias da auga. Un taller de coches converteuse nunha piscina. |
O párking da Praza de España de Vilagarcía foi o que deixou unha das imaxes máis impactantes do día despois. A auga cubriuno por completo. Ningún dos seus andares quedou a salvo. |
|
|
As estradas foron algunhas das estruturas máis prexudicadas. O asfalto viuse moi resentido como consecuencia da auga. |
Fíxose preciso o uso de motobombas para achicar auga. Especialmente no caso de garaxes e baixos. |
|
|
Nas inmediacións da Praza de Abastos de Cambados numerosos coches quedaron atrapados no medio da auga mentres circulaban. |
Dous días despois das riadas logrouse o acceso ó segundo andar dun garaxe privado de vilagarcía que aínda tiña coches dentro. |
|
|
A unión entre os veciños fixo a forza para poder sacaren dos baixos e garaxes os seus coches. Iso si, totalmente inservibles. |
A cantidade de vehículos perdidos por mor destas inundacións cóntanse por miles. |
|
|
Esta veciña da Laxe en Vilagarcía protagonizou un dos episodios máis emotivos do acontecido. Tras quedar sen vivenda e expoñer o seu caso en televisión na nosa redacción recibimos centos de chamadas solidarias ofrcéndolle a súa axuda. |
Aínda que non o pareza, o interior do vehículo de alta gama que ven na imaxe non tiña nin sequera un ano de compra. |
|
|
En previsión de novas chuvias intensas deuse en colocar enormes sacos de area nas marxes do río do Con. |
Durante días traballaron a reo pequenos tractores para desfacerse das toneladas de lodos acumuladas. |
|
|
Algúns tiveron que agardar a que pasasen os días ata daren cos seus coches perdidos… |
Redacción Salnés |