Vilamaior reparte rosca e viño doce no día da Encarnación

rosconvilanova100_090407.jpgVILANOVA > O roscón é un dos doces típicos da Pascua, e diso saben ben en Vilanova de Arousa. O barrio de Vilamaior, en Caleiro, …

… celebrou onte a festa da Encarnación e como se vén facendo desde hai case trinta anos, a comisión repartiu roscón e viño doce na sesión vermú e logo pola noite.

Setecentos quilos de roscón de Pascua e uns cincocentos litros de viño doce foi o menú degustación repartido onte en Caleiro, Vilanova, con motivo das festas da Virxe da Encarnación do barrio de Vilamaior. A festa comezou xa ás oito da mañá coa salva de bombas e sobre as nove a alborada correu a cargo da banda cultural de Vilanova e dos Grupos de gaitas Os Cruceiros de Tremoedo e Ansuíña de Vilanova, acompañados do grupo de danza e gaitas Mar de Arousa de Bamio.

Trala misa foi o momento de degustar o tradicional roscón de pascua, elaborados pola panadería Vilamayor, que colabora coa comisión de festas. Esta tradición xa ten ás súas costas preto de trinta anos neste barrio que viu nacer a Julio Camba, tantos como levan na comisión o seu presidente Joaquín Iglesias e o seu vicepresidente, Luis Casaldarnos. A degustación repetiuse logo ás oito da tarde, xunto con caramelos e pola noite pechouse a festa cunha queimada e bombóns.

Redacción Salnés