BARBANZA > As familias do programa ‘Preescolar na Casa’ realizaron unha excursión ó observatorio de aves do esteiro do Río Coroño en Boiro.
Este programa de formación familiar engloba a un total de cen familias dos distintos concellos do Barbanza e máis Porto do Son e ten por obxectivo implicar ós pais nas actividades educativas que se realizan cos seus fillos.
‘Preescolar na casa’ leva desenvolvéndose na comarca do Barbanza dende hai cinco anos, aínda que este programa botou a andar en Galicia hai xa trinta anos. O obxectivo desta iniciativa é implicar a toda a familia no proceso educativo dos fillos menores de tres anos, de xeito que os pais participen activamente nas actividades de formación dos cativos.
Deste xeito, organízanse reunións quincenais para intercambiar ideas e experiencias e dotar ós pais das ferramentas necesarias para reorienta-la educación dos fillos.
Ademais das xuntanzas periódicas, ‘Preescolar na Casa’ promove unha serie de actividades lúdicas como a excursión desenvolvida ‘grazas á colaboración do departamento de turismo de Boiro. Os cativos, acompañados dos seus pais, tiveron oportunidade de visitar o obsevartorio de aves do esteiro do Río Coroño guiados por monitores especializados. Previamente se lles fixo entrega dunha bolsa con material didáctico sobre os elementos naturais que podían atopar nesta rota, así como as distintas especies de aves que puideron observar.
A proposta de ‘Preescolar na Casa’ para a realización desta actividade, motivou que o departamento de turismo de Boiro editase uns folletos sobre os tres observatorios de aves exsitentes no municipio para a súa posta en valor co deseño de rotas guiadas posto que, ata o momento, eran un recurso turístico pouco explotado.
Redacción Barbanza
