RIBEIRA> A Casa da Xuventude de Ribeira abrirá ó público o próximo 24 de maio. Inicialmente estará operativa tódolos venres para o seu uso por parte da mocidade. Ademais da actividade libre haberá monitores que impartirán obradoiros e talleres.
A instalación de novo mobiliario, modular e móbil, facilitou que a casa da xuventude de Ribeira poida abrir ó público. Farao a partir do venres 24 como un espazo versátil no que os mozos poidan reunirse e realizar todo tipo de actividades.
Nas próximas semanas desenvolverase un obradoiro de creación audiovisual e outro de repostería creativa en inglés que se compaxinarán coas actividades de lecer libre.
Polo momento, a casa da xuventude abrirá tódolos venres en horario de tarde aínda que a intención do concello e amplialo a toda a fin de semana tralo verán.
