VILAGARCÍA > O presidente da Autoridade Portuaria de Vilagarcía, Javier Gago, fixo hoxe un balance do seu paso polo segundo cumio mundial …
….Javier Gago, quixo destacar hoxe da súa partipación no 2ºcumio global de Navegación, que o porto vilagarciá está nun bo momento para o seu crecemento. En breve o porto contará cunha terminal de contedores que é estratéxica, xa que por ela pasarán unha importante cantidade dos barcos adicados a este tipo de transporte.
No cumio, no que tamén se falou da necesidade de reducir os niveis de contaminación; houbo ó redor de cincocentos representantes de distintos países de todo o mundo. Entre eles estaban autoridades portuarias, empresas consignatarias, axentes marítimos, operadores loxísticos, transportistas, e navieiras. Para Gago é clave que o porto vilagarcía estea presente neste tipo de congresos, xa que ten unha obrigación como empresa de proxectarse ó exterior.
Segundo o presidente da Autoridade Portuaria vilagarciá, unha das conclusións a sacar do cumio, é que se está a dar un auxe do transporte marítimo a nivel mundial, e en especial do transporte de contedores, que é o que máis está a crecer. Polo de agora en Galicia só os portos de Vigo e Marín traballan de xeito regular cunha terminal de contedores. Vilagarcía vai a contar cunha terminal deste tipo, que se espera que estea en funcionamento para marzo do vindeiro ano. Isto vai a supoñer unha carga de traballo permanente e estable, dado que o tráfico portuario se vai a ver incrementado, aproximadamente, en 100 barcos máis o ano.
Outro dos puntos tratados en China, foi o da necesidade da internodalidade. Dixo Gago que é imprescindible que o porto conte cun bo acceso e comunicación co resto das vías de transportes. O enlace directo entre o porto e a autopista e a circunvalación norte de vilagarcía que se están a construír son aspectos necesarios para poder garantir un bo transporte das mercadorías. Para Gago a tarefa que ten que levar agora a cabo o Porto de Vilagarcía é consolidar a súa posición dentro dos portos de interese xeral de España e rentabilizar as infraestuturas e os recursos dos que dispón.
Redacción Salnés
