RIBADUMIA > O auditorio de Santa Eulalia de Ribadumia acolle durante os meses de decembro e xaneiro a exposición “Pintura Galega”…
…da Fundación Feima. É unha mostra que contén unha selección de pintura galega do século XX, que inaugurou a alcaldesa, Salomé Peña
A fundación Feima é unha entidade privada sen ánimo de lucro para a promoción e difusión da arte e cultura galegas.
“Pintura Galega” é unha exposición itinerante que xa estivo en Sarria, Arteixo ou Baiona e conta con obras de pintores como Arturo Souto, Luís Seoane ou Xulio Maside entre outros.
Esta é a segunda exposición que acolle o auditorio e segundo alcaldesa, o interese do concello é apoiar este tipo de iniciativas como xa ven facendo.
A expo conta con vinte obras que poderán verse ata finais de xaneiro. O concello organizará visitas guiadas para colexios e despois, “Pintura Galega” partirá a concellos como Padrón, Cangas ou Sada.
Outra das exposicións que están programadas intenta acoller obras de artistas do Salnés, independentemente da súa disciplina artística. Para iso, a concellería que dirixe Lidia Álvarez abriu un prazo de presentación de traballos a partir dos que despois, a comisaria da exposición fará unha selección para incluír na mostra
Redacción Salnés
