BOIRO > Os pais e a dirección están fartos de solicitar continuamente ao concello de Boiro que se faga cargo do mantemento das instalacións
Dende a dirección do colexio remitiron sendos escritos ao concello de Boiro e a Consellería de Educación para que se fagan cargo das reparacións e arranxos antes de que a continua deterioración supoña un perigo para a seguridade dos alumnos.
Arranxos urxentes
O vindeiro venres os máis de cento trinta alumnos de infantil e primaria do colexio de Escarabote iniciarán un novo curso escolar.
Así, creen que seria prioritario o amaño do valado do patio de infantil, a adaptación dos xogos á normativa e o cambio da area do areeiro.
Tamén esixen urxencia para a reparación das fechaduras de emerxencia das portas exteriores do pavillón de primaria, dado que ante unha situación de perigo non se pode utilizar esta saída ao estaren bloqueada.
{flowplayer}barbanza/deficienciascoleescarabote.flv{/flowplayer}
Demandas antigas
Algunhas destas demandas, segundo explicou o director do colexio, véñense solicitando dende hai máis de catro anos como o repintado da varanda da grada da pista exterior ou da sala de profesores onde se acumula a humidade.
A isto súmase a necesidade de reparación da zona da cuberta e o portalón do pavillón polideportivo así como a canalización da recollida de auga dado que xa se están a producir pinqueiras na instalación.
Tarefas de mantemento
Malia que durante os meses de verán o persoal de servizos do centro realizou limpeza e levou a cabo tarefas de mantemento e que nestes días operarios do concello pintan e acondicionan as aulas, dende a dirección esixen máis implicación das administracións.
Redacción Barbanza