RIBEIRA> A través dun escrito remitido ó Concello, o voceiro da plataforma Stop Desafiuzamentos Barbanza, José Manuel Pena, pídelle ó alcalde, Manuel Ruíz, que habilite un parque de vivendas baleiras que se poida pór a disposición das familias en risco de ficar na rúa, desprovistas de alternativa habitacional algunha.
Dende Stop Desafiuzamentos referíronse tamén ó escaso partido do programa de Vivendas Baleiras asinado entre o IGVS e a FEGAMP que viña precisamente a dar solución a este problema ó qe se acolleron practicamente a maioría de concellos da zona, aínda que os resultados non foron os agardados.
No escrito tamén lle solicita a posibilidade de que o Concello poida acollerse á atribucións que concederá a futura lei de vivenda do Goberno do Estado, en relación ó aumento do IBI ós grandes propietarios, con máis de dez vivendas baleiras que non as poñan en réxime de alugueiro.