Falece un neno de tres anos ó caer dende un terceiro piso

    POBRA > O cativo de tres anos que se precipitou dende a ventá dunha vivenda emprazada na rúa Gasset no concello da Pobra, faleceu esta mañá no Hospital Clínico de Santiago por mor das lesións irreversibles que lle provocou o forte golpe .

    A gravidade das feridas que presentaba o rapaz fixo necesaria a mobilización do Helipcótero 112 que aterrou, baixo unha gran expectación, na praza Durán Casais da Pobra.

    O accidente acontecía onte, ó redor das catro da tarde. Segundo varias testemuñas, un cativo de curta idade precipitábase dende unha das fiestras dun edificio situado na rúa Gasset e caía a estrada comarcal. Enseguida se deu aviso aos servizos sanitarios que atenderon a vítima nunha ambulancia medicalizada no mesmo lugar do accidente, onde trataron de estabilizalo.

    Posteriormente, ante os fortes traumatismos que presentaba o cativo, foi trasladado ata a Praza Maior na espera do helipcótero que o levaría ata o Hospital Clínico de Santiago, onde faleceu esta mañá.

    A garda civil investiga cales poideron ser as causas do accidente, que causou gran conmoción entre os veciños da localidade.

    Redacción Barbanza