BOIRO/NOIA > Os afeccionados ó mundo do motor tiveron oportunidade, grazas a Lolita Moda e á firma de roupa McGregor, de ver de preto todo un fórmula 1.
{flowplayer}barbanza/lolitamoda.flv{/flowplayer}
O monopraza do equipo AT&T Williams que participou no último campionato do mundo de automobilismo e que foi pilotado polo alemán Nico Rosberg estivo aparcado durante unhas horas en Boiro e Noia.
A iniciativa partiu de Lolita Moda. Grazas a este grupo de tendas con presenza na comarca, os afeccionados ó motor tiveron ocasión de achegarse ata ben de preto e mesmo fotografarse ó volante deste vehículo de máis de 700 cabalos de potencia.
Grande expectación
A proposta, un reclamo comercial disposto pola firma McGregor, proveedor oficial da equipación da escudería, para dar a coñece-la nova colección xa a venda nas tendas de Lolita Moda da comarca en Noia, Boiro e Ribeira, converteuse en todo un espectáculo.
Sorteo de agasallos
Ademais pola compra dunha prenda da colección Williams F-1 by McGregor optábase tamén ó sorteo de fantásticos premios como gorras firmadas polos pilotos da escudería ou roupa do propio equipo da fórmula 1, entre a que se atopan pantalóns, cazadoras, polos ou xerseis de gran calidade, caracterizados pola combinación das súas cores corporativas: azul e branco.
Redacción Barbanza
