PONTEVEDRA> A Deputación investirá 6.700.000 euros en dotar de conexión a internet a 55 concellos.
{flowplayer}images/salnes/270209_proxecto_wimax.flv{/flowplayer}
O obxectivo é mellorar a calidade de vida e os servizos dos que dispoñen os residentes no rural. Para logralo, a Deputación dotará de conexión a internet a 55 concellos da provincia que os solicitaron. Pero antes é preciso comprobar o sistema a través dun proxecto piloto que se vai poñer en marcha en catro concellos, un deles na comarca do Salnés. 25 veciños de Meis disfrutarán, dentro dun mes, de conexión a internet, dun xeito gratuíto.
Os beneficiados por este servizo escolleranse estratexicamente, en función da localización da súa vivenda. A Deputación encargarase de instalar as antenas precisas para que a conexión a internet chegue ao rural. A institución prometeu aproveitar as antenas dos operadores de telefonía móbil, e garantir a calidade na conexión de tódolos municipios.
Coa posta en marcha deste proxecto, a Deputación da o arranque definitivo para a instalación da rede wimax no rural da provincia.
Redacción Salnés