A ILLA> O goberno local aprobou en solitario a recualificación dun terreo situado en Con do Sol.
{flowplayer}images/salnes/310309_PLENO_ILLA.flv{/flowplayer}
A ILLA> Pasou hai dous anos e volveu a suceder onte no pleno da Illa. O grupo de goberno convocou un pleno extraordinario e incluíu na orde do día a modificación puntual número 1 do PXOM. Isto permite a construción de tres bloques de vivendas na parcela Con do Sol.
BNG e PP opuxéranse entón e volveron a facelo na sesión celebrada onte ó entender que o alcalde favorece a empresas privadas. O PSOE fixo valer a súa maioría absoluta e aprobou en solitario o punto.
Esta modificación urbanística afecta a unha zona onde o Concello ten 5.600 metros cadrados e unha empresa privada máis de 14 mil. No PXOM ten preferentemente un uso hoteleiro e de chalés, pero con este cambio auméntase a edificabilidade para construír grandes bloques de vivendas.
Á sesión tamén acudiron os afectados polo trazado do novo acceso ó Xufre, pero non puideron expor a súa situación ó ser un pleno extraordinario.
Redacción Salnés
