RIANXO> O subdelegado do goberno na Coruña, Xosé Manuel Pose, desprazouse ata Rianxo para facer entrega ó concello dun novo vehículo-radar.
{flowplayer}barbanza/radarrianxo.flv{/flowplayer}
Aínda que similares en aparencia, o vehículo novo conta cun equipamento moito máis moderno que o que viña operando na área do Barbanza dende o 2005. Ademais dun novo sistema de medición mediante rádar laser, que mesmo permite colocalo a distancia do vehículo, e un alcolímetro de precisión conta con novos servizos que permitirán un control moito máis eficaz.
Medidas disuasorias
Coa dotación destes medios ós concellos, a subdelegación do goberno e a xefatura provincial de tráfico, continúan coas súas campañas para a redución dos accidentes e das vítimas. Son consicentes de que se trata dun problema de educación, con difícil solución a curto prazo, polo que deben optar por este tipo de medidas disuasorias.
Dende que comezara a funcionar o anterior vehículo, primeiro nos catro concellos de Arousa Norte, e posteriormente tamén en Carnota e Santa Comba son moitos os controis realizados. Aínda así, a porcentaxe de denuncias por velocidade ou alcolemia segue sendo moi baixa o que pon de manifesto a prudencia dos condutores.
Sen embargo, a pesar de que as cifras melloran o obxectivo da DXT é reducir ó mínimo o número de accidentes. Por iso, o día 13 deste mes púxose en marcha unha campaña de control da velocidade en estradas secundarias. Ademais dende a subdelegación do goberno na Coruña xa se está a estudar a posibilidade de ampliar o número de vehículos radar, máis aló dos doce que na actualidade circulan pola provincia.
Redacción Barbanza
