RIBEIRA> A praia de Coroso conta cunha cadeira anfibia para facilitar o acceso á auga das persoas con mobilidade reducida.
{flowplayer}barbanza/cadeiraanfibiacoroso.flv{/flowplayer}
Tras unha primeira experiencia, realizada hai cinco anos, o concello de Ribeira decidiu volver implantar este servizo na praia de Coroso. Trátase dunha cadeira anfibia para o traslado das persoas con mobilidade reducida ata a auga, co obxectivo de que poidan desfrutar do baño ó igual que o resto dos usuarios do areal.
En principio, o servizo correrá a cargo do persoal de socorrismo aínda que tamén poderá ser asumido por acompañantes ou familiares do usuario se así o desexan.
Accesibilidade
A intención do concello é seguir facendo máis accesibles as praias, non só no que se refire ó areal senón tamén á auga. Por iso, unha vez valorado o funcionamento do servizo en Coroso e a demanda existente, estudarase a súa ampliación e mesmo a súa implantación noutras praias.
Os representantes dos colectivos con diversidade funcional no Barbanza, que asistiron ó acto de presentación do novo servizo, valoraron moi positivamente a súa posta en marcha como un novo paso para conquerir a súa plena integración e tódolos ámbitos. Agardan que se manteña e mesmo se mellore con outro tipo de cadeiras que outorguen maior autonomía ós usuarios.
Polo momento, neste primeiro día de servizo foron moitos os candidatos que se prestaron a proba-la silla e, polo sorriso das súas caras, adivinamos que quedaron ben satisfeitos.
Redacción Barbanza
