VILAGARCÍA> Os candidatos á presidencia do PP de Vilagarcía, entregaron esta tarde os avais para poder acceder ó Congreso Local. Tomás Fole e Javier Puertas séntense optimistas para o día 12.
{flowplayer}images/salnes/AVAIS_CONGRESO_PP.flv{/flowplayer}
O primeiro en chegar á sede dos populares na rúa Castelao, foi o presidente en funcións. Tomás Fole entregoulle á presidenta do Comité Organizador, Marta Rodríguez Arias, os avais conseguidos: cincocentos quince. Os candidatos, necesitaban como mínimo 130. Fole valorou a mobilización de forma moi positiva.
Do mesmo xeito, agradeceu á candidatura de Puertas o seu esforzo por chegar ata o Congreso.
O candidato á reelección animou ós afiliados a votar o día 12, ó equipo que queren que dirixa o futuro dos populares. Asegurou que pase o que pase o sábado, todos son compañeiros e van loitar por facerse coa alcaldía.
15 minutos máis tarde, aparecía Javier Puertas acompañado por membros do seu equipo. O presidente da Autoridade Portuaria, presentaba cincocentos tinta e un avais. Se sinte moi orgulloso e asegura que el e o seu equipo vai gañar o congreso e a alcadía.
Pese á gran cantidade de avais, Puertas afirmou que o importante non é o número senón as persoas que hai detrás, que queren manifestar a súa opinión.
Ás sete e media finalizaba o tempo para entregar os avais, momento no cal, a Comisión Organizadora, comezou a repasar o listaxe. Mañá farase público o resultado final.
Redacción Salnés
