VILANOVA> Continúan os traballos de remodelación da Casa da Cultura de András. O presidente da Deputación pontevedresa, Rafael Louzán, acompañado polo alcalde Gonzalo Durán, inaugurou onte as novas instalacións.
{flowplayer}images/salnes/CASA_CULTURA_ANDRAS.flv{/flowplayer}
Os traballos que se están a realizar no inmoble están case finalizados, e van dirixidos a mellorar as condicións das instalacións. As actuacións inclúen o seu revestimento en pedra, a construción dunha rampla de acceso para minusválidos e o pintado dos muretes exteriores. A dotación de novos canalóns para suprimir as humidades que padece o edificio, tamén está incluída nas melloras.
O alcalde Gonzalo Durán destacou a importancia dos traballos realizados no inmoble, que foi construído hai máis de 40 anos e que hoxe é unha peza fundamental da vida da parroquia de András.
Rafael Louzán aproveitou a súa visita ó municipio para supervisar o avance das obras do parque infantil, situado ó lado da Casa da Cultura. Esta actuación da Deputación pontevedresa conta cun orzamento de 20.000 euros, e ven a sumarse a outros traballos do goberno provincial no municipio vilanovés.
Redacción Salnés