CAMBADOS> O PP presentará varias emendas aos orzamentos xerais do Estado reclamando máis investimentos na comarca do Salnés. Demandan, por exemplo, unha partida para a reforma da Praza de Abastos de Cambados. Piden tamén que as contas contemplen fondos para a recuperación da praia do Preguntoiro, en Vilaxoán, ou para a creación de novas sendas en Vilanova.
O PP vai presentar un total de 110 emendas aos orzamentos xerais do Estado con demandas para a provincia de Pontevedra. Varias desas iniciativas teñen á comarca do Salnés como protagonista, demandando actuacións que -din- levan anos pendentes. Malia esas eivas, os populares falan duns presupostos inflados e propagandísticos.
Unha das iniciativas que vai presentar no Congreso o PP céntrase na Praza de Abastos de Cambados, que si figuran nos orzamentos pero con 0 euros consignados. Ao momento, respondía o alcalde de Cambados.
Máis alá do mercado cambadés, os populares tamén salientan outras dúas emendas. Unha delas en Vilanova, que demanda partidas para remata-las súas sendas litorais.
A outra en Vilagarcía, reclamando fondos para a recuperación da praia do Preguntoiro. Ao tempo que piden fondos para a construción dunha rotonda na avenida de Rubiáns para mellora-lo acceso dende esa vía ao Hospital do Salnés.
