RIBEIRA> Á espera dunha excepción nas cotas do lirio, os armadores do arrastre estudan alternativas que non deriven no desmantelamento do sector.
{flowplayer}barbanza/cotaslirio.flv{/flowplayer}
Os mil empregos directos que supón o arrastre en Galicia, ós que se lle engaden sete mil indirectos, penden dun fío. O brutal recorte nas cotas do lirio sitúa ós armadores nunha difícil situación na que é máis rendible permanecer amarrados que saír a faenar.
ERE
Sen embargo, a súa intención é traballar polo que, mentres agardan coñecer a resolución da administración europea sobre unha posible excepción para o cupo do lirio no Cantábrico Noroeste, non descartan a presentación de expedientes de regulación de emprego co fin de poder manter a viabilidade das súas empresas.
Apoios
Dada a importancia deste sector en Ribeira, onde teñen base unha trintena de arrastreiros e, en toda Galicia, onde operan preto dun cento de embarcacións, as administracións locail e autonómica posicionáronse do lado do armadores impulsando accións que garantan a viabilidade da flota.
A Consellería do Mar constituíu un grupo de traballo para representar ó sector ante a Comisión Europea.
Pola súa banda, a corporación municipal de Ribeira aprobou unha declaración institucional en solidariedade coa flota instando a Bruxelas a replantexar a negociación das cotas en aras de conseguir un reparto xusto en consonancia coa realidade dos estados.
Redacción Barbanza