SALNÉS> En ambos concellos arousáns, o sentimento, un día despois do accidente, é de total consternación.
{flowplayer}images/salnes/DESPEDIDA_FALECIDAS_ACCIDENTE_VILAXOAN.flv{/flowplayer}
Ás catro e media tiña lugar o funeral, na Igrexa Parroquial de Caleiro, en Vilanova, das dúas veciñas, nai e filla, que onte perdían a vida no accidente que se produciu no acceso á vía rápida do Salnés.
Unha hora máis tarde, familiares e amigos daban o último adeus á unha das ocupantes do outro vehículo implicado no sinistro, veciña de A Illa, na igrexa parroquial de San Xulián.
Ó tempo, un día depois da traxedia, o sentir nos dous concellos arousáns ós que pertencían as tres vítimas mortais era de total consternación. En Vilanova moitos veciños nin atopaban palabras para definir o fatídico desenlace deste sinistro.
En A Illa, unha pequena vila onde tódolos veciños se coñecen, o sentimento era o mesmo. Unha verdadeiro mágoa, tal e coma definían algúns isleños.
O seu alcalde, Manuel Vázquez tamén lamentou a nova, despois de visitar o tanatorio no que se atopa esta mañá o corpo sen vida da ocupante do Nissan Patrol, veciña do barrio de Chasán.
En relación á única supervivente deste accidente, irmá da muller falecida de A Illa, segue ingresada, en estado grave, na Unidade de Coidados Intensivos do Hospital de Montecelo.
Redacción Salnés
