PONTEVEDRA> O número é o 900 103 107. Desde a familia sinalan que o obxetivo é obter información que axude a esclarecelo caso.
A familia da pontevedresa Sonia Iglesias ven de habilitar unha liña telefónica para recadar información que axude a resolvelo caso.
Unha acción máis despois de que o pasado venres se convocase a última manifestación, cando se cumprían seis meses da súa desaparición. Nesta concentración a voceira da familia, Isabel Martínez, confesou que manteñen a esperanza de que se van esclarelos feitos.
A pesares do mal tempo esta foi, outra vez máis, unha concentración multitudinaria. O obxectivo era deixar de manifesto que non se esquecen de Sonia e o lembren tanto a policía, a cidadanía en xeral coma os responsables do suceso, engadiu Isabel Martínez.
O número habilitado é o 900 103 107. As chamadas serán recibidas nun contestador que posteriormente serán analizadas por expertos da Policía.
Sinalan desde o seo da familia que a liña, que é gratuíta, está destinada a aqueles que teñan datos sobre o acontecido e que, de xeito anónimo, poidan ser útiles para a investigación.
Redacción Salnés